Oor skryf:
Vrae en antwoorde oor skryf
Skryfkompetisies
Skrywerskring
Oor lees:
Leeskringforum
Leeslys
Oor boeke:
Nuwe boekbekendstellings
Boekwinkel
Soek 'n boek
Vir ons gemeenskap:
Gemeenskapsprojekte
Gereelde kompetisies
’n Skryfgeleentheid vir ons digters is ’n koerantjie wat deur Martie Jones behartig word en wat spesifiek Afrikaanse digkuns bevorder. U kan verdere besonderhede by die.reizigers@gmail.com aanvra.
Digters met internetfasiliteite kan ook ‘n bydrae lewer vir “Die Velletjies” en meer besonderhede kan per e-pos verkry word van bentakom@absamail.co.za
R150,000 OP DIE SPEL IN DIE
LAPA 2010 AFRIKAANSE ROMANKOMPETISIELAPA stuur vanjaar vir die eerste maal in sy geskiedenis, ‘n romankompetisie van stapel. Nie net is dit vir LAPA uiters belangrik om kwaliteit Afrikaanse leesstof te publiseer nie, maar dit is ook vir LAPA belangrik om skrywers die nodige erkenning te gee.
LAPA nooi alle skrywers om deel te neem aan die LAPA 2010 Afrikaanse Romankompetisie. Daar is geen voorgeskrewe lengte of tema nie en debuut sowel as reeds gepubliseerde skrywers kan deelneem. Die enigste vereiste is dat die manuskrip ‘n nuutgeskrewe Afrikaanse teks moet wees.
Die skrywer van die wenmanuskrip ontvang R100,000 in kontant en die tweede prys is R50,000.
Die sluitingsdatum is 30 September 2010. Alle inskrywings moet gestuur word na LAPA se 2010 romankompetisie, Posbus 123, Pretoria, 0001. Alle inskrywings moet vergesel word van ‘n inskrywingsvorm vir die kompetisie en ‘n volledige dekbrief. Vir meer inligting asook inskrywingsvorms, besoek www.lapa.co.za of kontak LAPA se bemarkingsafdeling by
Tel: 012 401 0700 of lapa@lapa.co.za.
LAPA 2010 AFRIKAANSE JEUGROMANKOMPETISIE
LAPA weet dat lees in die moedertaal onontbeerlik is vir enige kind se ontwikkeling. LAPA bied graag aan tieners plaaslik ontwikkelde boeke waarby hulle aanklank kan vind. Daarom het LAPA besluit om ’n Afrikaanse Jeugromankompetisie van stapel te stuur.
LAPA nooi skrywers van jeugboeke om deel te neem aan die LAPA 2010 Afrikaanse Jeugromankompetisie. Daar is geen voorgeskrewe tema nie, maar dit moet Afrikaanse tekste van 25 000 tot 45 000 woorde wees waarmee tieners kan identifiseer. Inskrywings moet alleenstaande enkeltitel-jeugromans wees en nie deel vorm van ’n beoogde reeks nie. Die teikenouderdom is 13 tot 18 jaar.
Daar is drie pryse op die spel:
Eerste prys : R25,000
Tweede prys : R15,000
Derde prys : R10,000Die sluitingsdatum is 30 September 2010. Alle inskrywings moet gestuur word na LAPA 2010 Afrikaanse Jeugromankompetisie, Posbus 123, Pretoria, 0001.
Alle inskrywings moet vergesel word van ’n inskrywingsvorm vir die kompetisie en ’n volledige dekbrief.
Bepalings en voorwaardes geld.Vir meer inligting en om inskrywingsvorms te bekom, besoek www.lapa.co.za of kontak LAPA se bemarkingsafdeling by Tel: 012 401 0700 of lapa@lapa.co.za.